Mazkur bosqich doirasida 17 kun davomida fuqarolar census.stat.uz rasmiy veb-sayti orqali ONE-ID tizimi yordamida onlayn ro‘yxatdan o‘tishlari mumkin. Mazkur jarayonlar yuzasidan “O‘zenergosotish” AJ xodimlari uchun tushuntirish va maslahat berish tadbiri tashkil etildi.

Хodimlarga qulaylik yaratish maqsadida Jamiyat rahbariyati tomonidan taklif etilgan mutaxassis — Toshkent shahar Statistika boshqarmasi xodimi Davron Qushchiyev aholini ro‘yxatga olishning mazmun-mohiyati, amalga oshirish bosqichlari, zarur ma’lumotlar hamda ro‘yxatdan o‘tishda yuzaga kelishi mumkin bo‘lgan savollarga batafsil javoblar berdi. Shuningdek, xodimlarga amaliy ko‘mak va tushuntirish ishlari olib borildi.