Turkiyaning Istanbul shahrida “O‘zenergosotish” AJ va EPİAŞ kompaniyasi o‘rtasida o‘zaro hamkorlikni rivojlantirishga qaratilgan Anglashuv memorandumi imzolandi. 
 
Hujjat elektr energiyasi bozorini rivojlantirish, zamonaviy savdo mexanizmlarini joriy etish, shuningdek, elektr energiyasining onlayn savdo platformasini yaratish va boshqarish bo‘yicha xalqaro tajribani o‘rganish sohalarida hamkorlikni kengaytirishni nazarda tutadi. 

Mazkur hamkorlik mamlakatimizda elektr energiyasi bozorini liberallashtirish va ilg‘or xalqaro tajribalarni joriy etish yo‘lidagi muhim qadam hisoblanadi.