Ipoteka Bank OTP Group va “O‘zenergosotish” AJ O‘zbekiston energetika tizimini modernizatsiya qilish loyihalarini qo‘llab-quvvatlash maqsadida 31,5 mln AQSh dollari miqdorida bank kafolatini taqdim etish bo‘yicha Bosh kelishuvni imzoladi.

Ushbu kelishuv mamlakatimiz iqtisodiyotining ikki muhim ishtirokchisi o‘rtasidagi strategik hamkorlikni yanada mustahkamlaydi. Ipoteka Bank tomonidan taqdim etilgan bank kafolati O‘zbekiston energetika sohasining samaradorligi va barqarorligini oshirishga xizmat qiladi hamda xalqaro tajriba va ilg‘or bank texnologiyalaridan foydalanishga imkon yaratadi.