12-Sentabr 2024-yil
7-mart kuni erta tongdan “O‘zenergosotish” AJning ostonasiga qizil gilam solindi, atrof alvon gullar bilan bezatildi. Unda fidoyilik bilan mehnat qilayotgan latofatli opa-singillarimiz yana bir ish kunini boshlash uchun oshiqar ekan, bu yerdagi bayram shukuhi ularni biroz sokin tortishga undadi. Ulardagi o’z yumushlarini tezroq boshlashga bo’lgan ilhaqlik o’rnini bayram kayfiyati egalladi.
Boshqaruv raisi Jahongir Obidjonov bu yerda faoliyat yuritayotgan jamiki erkak xodimlar nomidan ularni 8-mart – Xalqaro xotin-qizlar bayrami bilan samimiy tabrikladi. Ezgu tilaklar bildirildi, go’zal so’zlar yangradi, shirinliklar, sovg’alar tortiq qilindi va albatta GULLARga gullar hadya etildi.
AYYOMINGIZ MUBORAK BOLSIN, AZIZ OPA-SINGILLAR!